原來又已一年，諗番上年經歷，依舊覺得超無奈，所以再Post多次，懷念一下又好，比大家輕鬆都好。
店主上年有幸第一日考口試，考之前心情超級緊張，考完成身鬆曬，知道今日只是個開始，喺到分享件小趣事，希望大家輕鬆一下。
話說當年個條就係待人處事，邊個態度最好，分別有坦率，幽默，寬厚。
其實原先既首輪發言正正常常，之後五號同學散發滔滔不絕既氣場，直到佢講左自己既立場：「我認為坦『律』喺最可貴」。我皺眉，把心一横提提呢位同學。 「咁我認為坦「率」(超級大聲咁強調)喺有其重要性.....」之後既對話我仍然維持一貫既作風，不斷好大聲咁講個「率」字。
然後，神奇既事發生了。
五號同學不但堅持己見，字正腔圓咁講「坦律」，更加感染埋一號二號同學成為隊友，成場討論就系不斷出現「坦律」「坦律」得我同四號同學講「坦率」，再聽落去，我諗真喺差D要癱瘓😓
其實，成場討論仲有一號同學用佢既自身老作故事做例子，二、四號同學不知所云，到最後，你會發現，成場討論根本就係一場EQ既較量。
Search